June 20, 2011
Հետազոտության արդյունքների շնորհանդես
Այսօր Արմենիա Մարիոթ հյուրանոցի Տիգրան Մեծ սրահում շահագրգիռ կառույցների ներկայացուցիչների եւ լրագրողների մասնակցությամբ կազմակերպված շնորհանդեսին ներկայացվեց ԱՄՆ ՄԶԳ ԿԱԲ (PALM) Ծրագրի ֆինանսավորմամբ և ԱՄ Փարթնըրզի կողմից իրականացված Կենսաթոշակային բարեփոխումների մասին հանրության իրազեկվածության ելակետային հետազոտության արդյունքները: Արդյունքների ներկայացմամբ հանդես եկավ ԱՄ Փարթնըրզի Ծրագրերի ղեկավար Վ. Աղբալյանը: Վերջինս իր խոսքում անդրադարձ կատարեց գործող կենսաթոշակային համակարգի, ընթացքի մեջ գտնվող բարեփոխումների և դրանց մասին տեղեկացվածության աղբյուրների վերաբերյալ հարցերի պատասխաններին (տես շնորհանդեսի էլեկտրոնային տարբերակը (հայերեն լեզվով)): Շնորհանդեսի ավարտին Վ. Աղբալյանը պատասխանել է լրագրողների հարցերին: